2015 jylǵy 21 sáýir, Astana qalasy
Paıdaly qazbalar qorlarynyń memlekettik balansy boıynsha aqparatty memlekettik organdarǵa berý qaǵıdalaryn bekitý týraly
«Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasy Zańynyń 20-baby 32-8) tarmaqshasyna sáıkes buıyramyn:
1. Qosa berilip otyrǵan Paıdaly qazbalar qorlarynyń memlekettik balansy boıynsha aqparatty memlekettik organdarǵa berý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Geologııa jáne jer qoınaýyn paıdalaný komıteti:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV
«KELISILGEN»
Qazaqstan Respýblıkasynyń
Ulttyq ekonomıka mınıstri
______________ E.DOSAEV
2015 jylǵy 16 shilde «KELISILGEN»
Qazaqstan Respýblıkasynyń
Energetıka mınıstri
______________ V.ShKOLNIK
2015 jylǵy 5 mamyr
Qazaqstan Respýblıkasy Investısııalar jáne damý mınıstriniń
2015 jylǵy 21 sáýirdegi №475 buıryǵymen bekitilgen
Paıdaly qazbalar qorlarynyń memlekettik balansy boıynsha
aqparatty memlekettik organdarǵa berý qaǵıdalary
1. Jalpy erejeler
1. Osy Paıdaly qazbalar qorlarynyń memlekettik balansy boıynsha aqparatty memlekettik organdarǵa berý qaǵıdalary (budan ári - Qaǵıdalar) «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasy Zańynyń (budan ári - Zań) 20-baby 32-8) tarmaqshasyna sáıkes ázirlendi, paıdaly qazbalar qorlarynyń memlekettik balansy boıynsha aqparatty memlekettik organdarǵa berý tártibin anyqtaıdy.
2. Paıdaly qazbalar qorlarynyń memlekettik balansy boıynsha
aqparatty memlekettik organdarǵa berý tártibi
2. Jer qoınaýyn zertteý jáne paıdalaný jónindegi ýákiletti organ (budan ári – ýákiletti organ) jasaǵan Paıdaly qazbalar qorlarynyń memlekettik balansy boıynsha aqparat memlekettik organdarǵa resmı suraý salý boıynsha osyndaı suraý salý túsken sátten bastap 10 jumys kúninen keshiktirmeı usynylady:
Qazaqstan Respýblıkasynyń Premer-Mınıstriniń Keńsesine jáne memlekettik josparlaý salasyndaǵy ýákiletti organǵa – paıdaly qazbalardyń barlyq túrleri boıynsha;
munaı, gaz, kómir jáne ýran salasyndaǵy ýákiletti organǵa – kómirsýtek shıkizaty, kómir jáne ýran boıynsha;
eldi mekenderiniń aýmaqtarynyń syrtynda sý qoryn paıdalaný jáne qorǵaý, sýmen jabdyqtaý, sý burý salasyndaǵy ýákiletti organǵa – jerasty sýlar boıynsha.
3. Osy Qaǵıdalardyń 2-tarmaǵynda kórsetilgen memlekettik organdarǵa paıdaly qazbalar qorlarynyń memlekettik balansy boıynsha aqparat Elektrondyq qujat aınalymynyń biryńǵaı júıesi boıynsha (EQABJ) elektrondyq tasyǵyshtarda jáne poshtamen qaǵaz tasyǵyshtarda jiberiledi.
4. Osy Qaǵıdalardyń 2-tarmaǵynda kórsetilgen memlekettik organdarǵa paıdaly qazbalar qorlarynyń memlekettik balansy boıynsha aqparat bir danada (elektrondyq jáne qaǵaz tasyǵyshtarda) beriledi jáne kóbeıtýge jatpaıdy.
5. Osy Qaǵıdalardyń 2-tarmaǵynda kórsetilgen memlekettik organdarǵa paıdaly qazbalar qorlarynyń memlekettik balansy boıynsha aqparat osy Qaǵıdalarǵa qosymshaǵa sáıkes nysan boıynsha beriledi.
Paıdaly qazbalar qorlarynyń memlekettik balansy boıynsha aqparatty
memlekettik organdarǵa berý qaǵıdalaryna qosymsha
Nysan
Paıdaly qazbalar qorlarynyń memlekettik balansy boıynsha aqparat
r/s № Paıdaly qazbalar Komponenttik ólsheý birligi Ortasha mazmuny Balanstyq qorlar Balanstan tys qorlar О́sý/kemý
1 2 3 4 5 6 7
Buıryq Qazaqstan Respýblıkasynyń Ádilet mınıstrliginde 2015 jylǵy 20 tamyzdaǵy Normatıvtik quqyqtyq kesimderdi memlekettik tirkeýdiń tizilimine №11917 bolyp engizildi.